Khutbah Idul Fitri 1435 H

Khutbah Idul Fitri 1435 H

Taubat Mumpung Taksih Gesang

Subranto, S.Pd.I.

Kaum muslimin muslimat ingkang dipun rahmati dining Allah

Wonten ing wekdal enjang ingkang cerah puniko, monggo kulo panjenengan sami ngunjukaken raos puji lan syukur wonten ngarso dalem Allah SWT, sahenggo kulo panjenengan sami saget nindakaken Shalat idul Fitri wonten ing Tlogo Nangsri puniko. fitri artosipun buko, inggih puniko pinongko tondo bilih kulo panjenengan sami sampun purno anggenipun nindakaken siyam wonten ing sak lebetipun wulan Ramadhan. Awit saking rahmat lan kanugerahanipun Gusti Allah kito ngunjukkaen raos syukur amargi saget nuntasaken seperangan saking rukun Islam kang ganggsal perkawis, ingkang salah setunggalipun inggih puniko siyam romadhan ngantos sesasi muput. Sak laminipun kito nindakaken siyam Romadhan, kulo panjenengan sami saget nyingkiraken howo nefsu saking daharan, ngunjuk lan sak sanesipun. Milo wontenipun dinten riyoyo idhul fitri puniko kulo panjenengan sami ngraosaken kemenangan kados dene prajurit ingkang nenbe kundur saking medan perang kalawan mbeto kemenangan ingkang kilang gemilang. Sak temene cen kados mekaten, ngelawan howo nefsu niku dumunung sakwijinipun jihad, sawijinipun perjuangan kang ageng. Kanjeng nabi Muhammad SAW nalikanipun kundur saking peperangan ngelawan musuh kaum kafir lan musyrikin ing medan perang. Panjenenganipun banjur ngendiko :

“رَجَعْنَا مِنَ الْجِهَادِ اْلاَصْغَرِ اِلَى اْلجِهَادِ اْلاَكْبَرِ

Artosipun : Kito kabeh pada bali songko jihad kang cilik (ngelawan mungsuh) nuju ngadepi jihad kang luwih gedhe

Poro sahabat sami kaget mireng pangandikan kanjeng nabi puniko, lanjeng sami nyuwun pirso :

Duh kanjeng nabi, kito sedoyo nembe kemawon nindaaken perang ingkang estu ageng, lajeng perang kandos pundi malih ingkang linangkung ageng saking perang niki duh kanjeng nabi?

Kanjeng nabi banjur ngendiko

, جِهَادِ النَّفْسِ”

Yoiku Perang ngelawan howo nefsu.

Allahu Akbar, Allahu Akbar, Allahu Akbar…

Kaum muslimin rohimakumullah

Awit saking rahmatipun Allah ingkang moho welas lan moho asih kito sedoyo wontening enjang puniko kebikak manah sahenggo saget nuhoni panggilan takbir, tahmid, soho tahlil. Sedoyo wargo tindak dateng tlogo puniko kanti ngajeng-ngajeng rahmatipun gusti Allah ingkang moho wikan miwah wicaksono. Sedoyo jalmi wonten ing enjang ingkang cerah meniko makempal ngagunganken asmanipun Allah. Wiwit saking lare alit ngantos dumugi tiyang sepuh, tiyang ingkang nindaken poso punopo dene tiyang ingkang mboten poso, tiyang ingkang biasanipun tindak dateng masjid ugi tiyang ingkang mboten nate nindakaken sholat, sedayanipun sami nderek bingah lan seneng-seneng awit tumekanipun dinten riyoyo idul fitri puniko. Allah moho welas lan moho asih, milanipun monggo kito ndedongo dumateng Allah mugi pangeran Allah paring hidayah dumateng sedoyo kawulanipun supados kebikak manahipun sahenggo tansah nindaaken shalat lan tindak dateng masjid mboten anamung wontening dinten riyoyo indul fitri kemawon.

Kito sedoyo ndedongo dumateng Allah, mugi Pangeran ingkang Moho agung paring hidayah dumateng sedoyo jamaah ingkang wonten ing tahun puniko mboten nindakaken siyam ramdhan, mboten melu poso, lan mboten nate tindak mesjid…  wonten ing tahun sak ngajengipun saget nderek poso sesarengan kulo panjengan sami. Lan sesarengan ugi wonten ing yaumil akhir ing sak mangkeh lumebet wontenin surganipun Allah. Sedayanipun di pun dangu dening Allah kanti pangandikan :

يا أَيَّتُهَا النَّفْسُ الْمُطْمَئِنَّةُ﴿٢٧﴾ ارْجِعِي إِلَىٰ رَبِّكِ رَاضِيَةً مَّرْضِيَّةً ﴿٢٨﴾ فَادْخُلِي فِي عِبَادِي﴿٢٩﴾ وَادْخُلِي جَنَّتِي ﴿٣٠﴾

1.   E, jiwa kang tentrem!

2.   Sira baliya seba ing ngarsane Pangeranira, kelawan lega, tompo ganjaran marga saka lakunira becik.

3.   Sira malebua golongane para kawulaningsun kang becik.

4.   Lan malebua ing suwarganingsun.^[2]

Allahu Akbar, Allahu Akbar, Allahu Akbar...

Kaum muslimin muslimat ingkang dipun tresnani Allah

Siyam romadhon ndidik dumateng kito sami supados sak purnanipun nindaaken dawuhipun Allah puniko kulo panjenengan sami dados tiyang ingkang taqwa. Kados dene pangandikan Allah :

Yaa ayuhalladzina amanu, kutiba …..

He wong kang podo iman, di dawuhke marang siro kabeh poso, koyo dene sing wis di dawuhke Allah marang wong-wong sak durunge niro, supoyo siro kabeh dadi wong sing taqwa.

Sak sampuniun kito nindaken siyam romadhon kedahepun saget ngendaleni howo nefsu, kados dene kito ugi saget ngendaleni lan nahan ngelak lan luwe saben ndinten sak jronipun sasi romadhon.  Howo nefsu puniko menawi dipun turuti mboten wonten mareme, paribasan sedoyo sampun keturutan mesti kemawon taksi wonten karep ingkang pengin dipun gayuh maleh. Nuruti howo nefsu puniko kados dene tiyang ingkang ngunjuk banyu segoro ingkang asin. San soyo katah anggene ngombe san soyo nemen anggone kraos ngelak.

Imam al busiri ing dalem kitab al-Burdah ngaturaken :

“وَالنَّفْسُ كَالطِّفْلِ اِنْ تُهْمِلْهُ شَبَّ عَلَى * حُبِّ الرَّضَاعِ وَاِنْ تَفْطِمْهُ يَنْفَطِمِ”

“Howo nefsu iku koyo bocah cilik, lamun siro tok ake, mesti terus olehe seneng nyusu. Nanging lamun siro sapih bakal pedot anggone nyusu.

Kanjeng Nabi ngendikaake yen piyantun kang seneng nuruti nefsune niku durung biso sempurno imane.

لاَيُؤْمِنُ اَحَدُكُمْ حَتَّي يَكُوْنَ هَوَاهُ تَبَعًا لِمَا جِئْتُ بِهِ

Ora sempurno imane salah sawijine siro kabeh, sahenggo howo nefsune gelem di anutake marang agomo kang engsun gowo (yoiku Islam).

Dados sanes agamine kang dianutake miturut kekarepane howo nafsu, Nanging howo nafsune kang kedah di pun rem, dipekak sarto dikendalikno lan disetir dening agami Islam. 

Allahu Akbar, Allahu Akbar, Allahu Akbar...

Kaum Muslimin Rohima kumullah

Saben-saben piyantun ingkang nggadahi cito-cito lan kepenginan nggayuh perkawis ingkang sekeco, kepenak lan kamulyan kedah wantun lan purun ngadepi kasengsaran, karupekan lan tentu kemawon kedah tahan lan sabar.

Kito pengin ngraosaken legining nongko, milo kedah wani kenging pulut. Kito pengin ngraosaken legine madu, milo kedah wani di entup tawon. Kito pengin nggadahi arto ingkang kathah, milo kedah nyambut damel ingkang sregep. Semanteno ugi lare-lare ingkang nggadahi cita-cita dodos tiyang ingkang sukses, milo kedah sregep angganipun sinau, nebihi pergaulan ingkang kirang sahe lan ngathah-ngatahaken kegiatan ingkang becik, patuh dumatung tiyang sepuh lan sak pinunggalanipun.

Ringkesipun, sedoyo kelapangan lan kesenengan kedah dipun padosi kalawan wani nandang sengsoro lan prihatin. Semanten ugi dinten riyoyo idul fitri puniko, dino kang di rameake kanthi kebingahan lan kesenengan Saget kalampah mung kalawan wontenipun wulan siyam romadhon.  Inggih puniko wulan ingkang ing sak lebetipun, kulo panjenengan sami saklaminipun sewulan muput terus-terusan ngraosaken ngelak lan luwe. Milo piyantun ingkang tumut riyoyo ananging mboten purun nindakaken poso saget dipun wastani tiyang ingkang pados kepenake dewe. Ibarat gelem mangan nangkane emoh gupak pulute. karepe urip kepenak, ananging mboten purun nyambut damel.

Lelampahan rekoso rumiyin banjur bungah-bungah sak sampunipun meniko mboten anamung tumrapipun menungso kemawon. Cobi kito pirsani kupu, asalipun saking uler. Naliko deweke pengin biso mabur, milo kedah purun poso, mudel lan mungkrung ugi mboten mangan, mboten ngrikiti godong nganti pirang-pirang ndinten, akhire dadi kupu iso ngambah gegono mebur kelawan sentoso.

Ingkang mekaten kolo wau kedahipun saget dados pepiling utawi tadzkiroh tumrapipun kulo panjenangan sami ingkang dening Allah di pun paringi akal, sahenggo kito kalebet tiyang ingkang saget ngginaken akal paringanipun Allah kanti sak mestinipun.

Allah Ngendiko :

فَإِنَّ مَعَ اْلعُسْرِ يُسْرًا ، إِنَّ مَعَ اْلعُسْرِ يُسْرًا (سورة الإنشراح: 5-6)

 Artine : “Amarga Sa’temene sawuse angel iku ana gampang. Satemene sawuse angel ana gampang”

Allahu Akbar, Allahu Akbar, Allahu Akbar...

Kaum Muslimin wal muslimat ingkang tansah dipun rahmati dining Allah.

Makna siyam ingkang sak lajengipun inggih puniko supados kito kulinten nindakaken amal kesahenan. Setunggalipun perkawis menawi dipun tindakaken terus menerus bede nuwuhaken setunggaling kebiasaan ingkang mboten keraos awrat. Kulo panjenengan sami sak laminipun ing wulan romadhon tansah sregep tindak dateng masjid saben dintenipun, milo monggo amalan puniko wau kito lestantunaken kanti makmuraken masjid dalemipun Allah. Sebab sak sintenipun tiyang ingkang makmuraken masjid, milo wonten ing surgo ing sak mangkeh bade dipun damelaken griyo ingkang sahe dumateng Allah SWT.

Sak laminipun nindakaken siyam ramdhan kulo panjenengan sami ugi terbiasa ninggalaken menopo ingkang dados awisanipun Allah amargi kito tuhu lan ajrih dumateng Allah SWT. Milo sak purnanipun wulan romadhon kito kedah langkung tuhu lan ajrih dumateng Allah sahenggo saget nebihi awisanipun Allah.

Tiyang ingkang ngelanggar perintahipun Allah lan tumindak awon utawi tumindak doso menawi dipun tindakaken kanti terus menerus, meniko saget ndadosaken ati tertutup lan mboten saget malih mbentenaken perkawis ingkang awon lan ingkang sahe. Saget ugi sinaoso mengertosi pundi ingkang sahe lan pundi ingkang awon, ananging nekat lan ngelanggar kanti tumindak ingkang awon. Imanipun sampun dicabut dening Allah sahenggo mboten ajrih melih nindakaken doso lan maksiat.

Contonipun : menawi wonten tiyang ingkang nyolong jupuk amargi kepepet, milo nalikanipun nembe sepindah piyambakipun banjur getun lan tobat. Ananging sanes wekdal tiyang kolo wau kepepet malih lajeng mbaleni anggenipun nyolong, karono ingkang kaping kalih mboten konangan tumindak nyolong niku wau dipun ambali terus terusan ngantos dadi kebiasaan lan sampun mboten nggadahi raos doso lan salah malih.

Wonten malih tiyang misalipun naliko ngendikan ngapusi, menawi sampun dados kebiasaan, tiyang sanes sampun mboten percoyo malih kalih omonganipun sinaoso piyambakipun nambah-nambahi kanti ucapan sumpah. Sebab ucapan sumpah meniko mboten ateges nguataken menopo ingkang dipun ucapaken, ananging kata2 sumpah meniko malah san soyo ngetingalaken bilih pangandikanipun ngapusi.

Conto sanesipun, saumpami wonten piyantun ingkang ninggalaken solat, milo ninggalaken solat ingkang sepindah saget kemawon piyambakipun getun lan rumaos doso, kaping kalih lan kaping tigo ugi taksih getun lan ngrumaosi doso. Ananging menawi sampun dipun ambali kaping bola-bali, milo piyantun kolowau sampun ilang raos ajrihipun dumateng Allah lan mboten rumaos doso malih menawi ninggalaken solat.

Wontening setunggalipun Hadits nyebataken :

عَنْ أَبِى هُرَيْرَةَ عَنْ رَسُولِ اللَّهِ -صلى الله عليه وسلم- قَالَ « إِنَّ الْعَبْدَ إِذَا أَخْطَأَ خَطِيئَةً نُكِتَتْ فِى قَلْبِهِ نُكْتَةٌ سَوْدَاءُ فَإِذَا هُوَ نَزَعَ وَاسْتَغْفَرَ وَتَابَ سُقِلَ قَلْبُهُ وَإِنْ عَادَ زِيدَ فِيهَا حَتَّى تَعْلُوَ قَلْبَهُ وَهُوَ الرَّانُ الَّذِى ذَكَرَ اللَّهُ ( كَلاَّ بَلْ رَانَ عَلَى قُلُوبِهِمْ مَا كَانُوا يَكْسِبُونَ) »

Dipun riwayataken dening abu hurairah, bilih rasulullah SAW ngendiko : “Salah sawijining menungso yen tumindak doso, mulo di tandani ono ing atine titik ireng. Menowo dewekne ninggalke tumindak doso iku banjur taubat, mulo atine bakal di resiki. Ananging yen dewekne mbaleni tumindak doso meneh, mulo bakal di tambahi titik ireng mengkono mau nganti nutup atine. Yoiku sing di arani “Ar roon” koyo sing di ngendikakake  Allah

( كَلاَّ بَلْ رَانَ عَلَى قُلُوبِهِمْ مَا كَانُوا يَكْسِبُونَ)

Mangertiyo, saktemene opo sing di tindakke menungso kang mengkono mau iku sing nutupi atine.

Romadhon ingkang sampun kito lampahi meniko kedahipun saget ngresiki doso lan ndadosaken menungso kados dene bayi ingkang nembe lahir saking garbo ibune. Ingkang mekaten kolo wau anamung tumrapipun tiyang ingkang nindakaken siyam romadhon kanti ikhlas lan nyuwun ridhanipun Allah SWT. Tumrapipun tiyang ingkang mboten ikhlas anamung bade pikantuk ngelak lan luwe kemawon. Menopo malih tumrapipun tiyang ingkang mboten nderek nindakaken poso, piyambakipun anamung saget nderek bingahipun dinten riyoyo lan mboten angsal pahala kados dene tiyang ingkang nindakaken siyam sewulan muput.

عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَقُولُ الصَّلَوَاتُ الْخَمْسُ وَالْجُمْعَةُ إِلَى الْجُمْعَةِ وَرَمَضَانُ إِلَى رَمَضَانَ مُكَفِّرَاتٌ مَابَيْنَهُنَّ إِذَااجْتَنَبَ الْكَبَائِرَ

Dipun riwayataken dening abu hurairah, saktemene kanjeng Nabi Muhammad SAW ngendiko : solat limang wektu, sholat jumat nganti sholat jumat sak candake, lan poso romadhon nganti poso romadhon sak candake, iku mbusak doso-doso cilik sing ditindakke menungso, yen doso-doso mau di adohi” (HR Muslim)

Allahu Akbar, Allahu Akbar, Allahu Akbar...

Kaum Muslimin wal muslimat ingkang tansah dipun rahmati dining Allah.

Kito gesang wonten ing donyo meniko anamung sak wentawis, simbah simbah lan tiyang sepuh kito ingkang sampun sedo nilar donyo saget dados pepiling kito, bilih tiyang gesang meniko di pun batesi wekdal lan ngentosi telase yuswo, wonten ing giliranipun ing sak mangkeh kulo panjenengan sami bade ketimbalan wonten ngarsanipun Allah. Sak sintenipun tiyang ingkang sampun ketekan malaikat iszroil mboten wonten ingkang saget ngindar lan mboten wonten ingkang saget pados selamet. Mesti kabeh bakal mati.

Kullu nafsin dzaiqotul maut..

Kabeh sing nduweni nyowo mesti bakal mati.

Awak ingkang kuat menopo dene pasuryan ingkang ayu lan bagus mboten wonten ginane malih, sebab ajal meniko mboten ningali rupo. Sedoyo menungso bakal ketekan menawi sampun dugi titi mangsanipun. Lajeng menopo ing saget kito bekto sedo?

Mboten saneh inggih anamung amal kesahenan, bondo donyo, anak lan garwo mboten wonten ingkang saget dipun gowo.

Karono kematian meniko tekanipun mboten kenyono-nyono, milo monggo kita kedah tansah siap kapan kemawon menawi sampun dumigi titi mongso. Allah sampun maringi kito hati nurani ingkang saget mangertosi pundi ingkang sahe lan pundi ingkang awon, monggo kito turuti hati nurani puniko.

Allah ngendiko :

Fa alhamaha fuju roho wataqwaha…

Sak temene wis di ilhamke (dituwuhke) ono ing atine menungso kejahatan lan ketaqwaan..

Ayat meniko mertandaaken bilih sak temene Allah sampun maringi ilham dumateng menungso supados mengertosi pundi perkawis ingkang awon lan pundi ingsang sahe. Niki mujudaken keadilanipun Allah, bilih sedoyo menungso estunipun dipun paring ati. Pentingipun ati puniko supados saget mangertosi kesahenan, ananging menawi taksih mboten saget nindakaken kesahenan meniko amargi piyambakipun dereng kebikak manahipun ingkang saget dipun sebabaken karono sombong utawi saget ugi karono romongso mboten butuh kaliyan gusti Allah.

Semanten ugi sedoyo menungso estunipun sampun mangertosi tumindak nopo kemawon ingkang kalebet tumindak doso, ananging menawi taksih wani ngelanggar meniko karono piyambakipun mboten ajrih maleh dumateng Allah lan langkung nuruti howo nefsunipun.

Setungalipun wekdal kanjeng nabi dipun suwuni pirso :

“duh kanjeng nabi, menopo kemawon ingkang kalebet tumindak doso”

Banjur kanjeng nabi ngendiko :

“takokno marang atimu, doso iku yen atimu rumongso ora tenang marang tumindakiro”

Kaum muslimin rahima kumullah…

Milo mumpung kito taksih pinaringan yuswo monggo kito ginaaken kanti taubat ingkang saestu dumateng Allah SWT, kito nyuwun pangapunten dumateng Allah awit sedoyo doso lan kemaksiatan kito. Lan kito tuwuhaken semangat wontening babakan pangibadahan dumateng Allah SWT. Taubat meniko mboten saget di pun mangkeh-mangkeh, sebab kito mboten saget mengertosi kapan giliranipun nyowo kito di pun cabut. Semanteno menawi kito taksih dipun paringi yuswo ingkang lami, tetep kemawon dereng tentu saget taubat amargi menawi kito tansah tumindak doso ati dados atos kados dene watu, reget kados dene regete koco pengilon ingkang mboten saget di resiki malih.

Monggo kito tansah tumindak kesahenan, amargi sedoyo tumindak kesahenan bade dipun wales dening Allah, sinaoso kesahenan niku wau anamung alit segedening bledug paribasane. Sedoyo kito meniko mujudaken kholifah utawi pemimpin, paling mboten pemimpin tumrapipun diri kito piyambak. Milo monggo kito paring tulodo kanti tumindak ingkang sahe. Tiyang jaler paring conto kesahenan dumateng garwanipun, pejabat paring conto dumateng warganipun lan pemimpin paring conto dumateng rakyatipun. Ampun ngantos tiyang ngajeng ingkang kedahipun dadi panutan malah ngrusak toto krami agami. Pejabat ingkang kedahipun ngayomi warganipun malah ngrusak rumah tangga warganipun. Piyantun ingkang kedahipun dadi conto ananging malah ngisinaken warganipun. Estunipun menawi wonten tiyang ingkang mekaten wau, milo piyambakipun sampun kelangan wibowo. Sebab sinaoso kathah tiyang ingkang ngormati, niku wau anamung lamis sak pangajengan. Sak wingkingipun tentu kemawon ngledek lan mboten ngajeni.

Kaum muslimin wal muslimat rahimakumullah…

Pungkasing atur, monggo kito tutup khutbah shalat Ied wontening enjang puniko kanti 

ndedongo wonten ngarsanipun Gusti Allah swt:

اَللَّهُمَّ انْصُرْنَا فَاِنَّكَ خَيْرُ النَّاصِرِيْنَ وَافْتَحْ لَنَا فَاِنَّكَ خَيْرُ الْفَاتِحِيْنَ وَاغْفِرْ لَنَا فَاِنَّكَ خَيْرُ الْغَافِرِيْنَ وَارْحَمْنَا فَاِنَّكَ خَيْرُ الرَّاحِمِيْنَ وَارْزُقْنَا فَاِنَّكَ خَيْرُ الرَّازِقِيْنَ وَاهْدِنَا وَنَجِّنَا مِنَ الْقَوْمِ الظَّالِمِيْنَ وَالْكَافِرِيْنَ.

اَللَّهُمَّ أَصْلِحْ لَنَا دِيْنَناَ الَّذِى هُوَ عِصْمَةُ أَمْرِنَا وَأَصْلِحْ لَنَا دُنْيَانَ الَّتِى فِيْهَا مَعَاشُنَا وَأَصْلِحْ لَنَا آخِرَتَنَا الَّتِى فِيْهَا مَعَادُنَا وَاجْعَلِ الْحَيَاةَ زِيَادَةً لَنَا فِى كُلِّ خَيْرٍ وَاجْعَلِ الْمَوْتَ رَاحَةً لَنَا مِنْ كُلِّ شرٍّ 

اَللَّهُمَّ اقْسِمْ لَنَا مِنْ خَشْيَتِكَ مَاتَحُوْلُ بَيْنَنَا وَبَيْنَ مَعْصِيَتِكَ وَمِنْ طَاعَتِكَ مَا تُبَلِّغُنَابِهِ جَنَّتَكَ وَمِنَ الْيَقِيْنِ مَاتُهَوِّنُ بِهِ عَلَيْنَا مَصَائِبَ الدُّنْيَا. اَللَّهُمَّ مَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا وَاجْعَلْهُ الْوَارِثَ مِنَّا وَاجْعَلْهُ ثَأْرَنَا عَلَى مَنْ عَاداَنَا وَلاَ تَجْعَلْ مُصِيْبَتَنَا فِى دِيْنِنَاوَلاَ تَجْعَلِ الدُّنْيَا أَكْبَرَ هَمِّنَا وَلاَ مَبْلَغَ عِلْمِنَا وَلاَ تُسَلِّطْ عَلَيْنَا مَنْ لاَ يَرْحَمُنَا

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلأَحْيَاءِ مِنْهُمْ وَالأَمْوَاتِ اِنَّكَ سَمِيْعٌ قَرِيْبٌ مُجِيْبُ الدَّعْوَاتِ.

اللهمَّ انْصُرْ إخوانَنَا الْمُسْتَضْعَفِين في فِلِسْطِين

اللهمَّ انْصُرْ إخوانَنَا الْمُسْتَضْعَفِين في سورية

اللهمَّ انْصُرْ إخوانَنَا الْمُسْتَضْعَفِين في …… 

اللّهُمَّ انْصُرْ إخْوانَنَا الْمُجاهِدِين في فلسطينوا في سورية وا في …….  

اللهم انصرهم نصراً مؤَزَّرَاً

اللهم وَحِّدْ كَلِمَتَهُم وسَدِّدْ رَمْيَهُم وَأَنْزِلْ فِي قُلُوْبِهِم السَكِينةَ

اللهم كن لهم وليّاً ونصيراً،

اللهم أنهم مَظْلُومُون فَانْتَصِرْ لَهُمْ، إِنَّهُمْ فُقَرَاءُ فَأَغْنِهِمْ.

اللّهُمَّ ارْحَمْ مَوْتَاهُمْ وَاشْفِ جُرْحَاهُمْ. وَتَقَبَّلْ شُهَدَاءَهُمْ، اللهمَّ أَيِّدْهُمْ بِتَأْيِيْدِكَ وَاحْفَظْهُمْ بِحِفْظِكَ يَا قَوِيُّ يَا عَزِيزُ

رَبَّنَا اَتِنَا فِى الدُّنْيَا حَسَنَةً وَفِى الأَخِرَةِ حَسَنَةً وَقِنَا عَذَابَ النَّارِ. 

Wahamdulillahirobbil ‘alamin..

Wassalamu ‘alaikum Warahmatullahi Wabarakatuh

___________________________________________________

Gunungkidul, 27 Juli 20014

Dipun pendet lan di pun terjemahaken saking mawerni sumber

Khutbah Idul Fitri Dipun aturakhen wonten ing Lapangan Tlogo Nangsri Lor & Nangsri Kidul

ADS HERE !!!